ნინო ბურჯანაძე მოსახლეობას მოუწოდებს რომ არ მოუსმინოს უკანონო ჩანაწერებს.
მისი თქმით, ის ჩანაწერები რომელსაც ხელისუფლება იყენებს ბურჯანაძისა და მისი ოჯახის შავი პიარისთვის, არის ფალსიფიცირებული.
"პროვოკაცია არსად არ ყოფილა დაგემილი და თუ ჩვენ რაიმე ძალადობრივი გზის გამოყენება გვინდოდა. აუცილებლად გვექნებოდა იარაღი ან მოლოტოვის კოქტეილები, რითაც ხელისუფლება მანიპულირებს, მაგრამ კარგად გამოჩნდა, რომ ჩვენ მსგავსი არაფერი გვქონია. რაც შეეხება გია უჩავას დღევანდელ აღიარებით ჩვენებას. მე მისთვის არ მიყურებია და ვფიქრობ რომ ეს იყო კონტექსტიდან ამოვარდნილი და უმეტესობა იყო ფალსიფიცირებული. საერთაშორისო ორგანიზაციებს ვთხოვ იმ ფირების შესწავლასა და ანალიზს, რომელიც ხელისუფლებამ გამოაქვეყნა. ასევე მინდა გითხრათ, რომ ჩვენ გვაქვს კადრები, რომლის მიხედვითაც კარგად ჩანს, რომ ის მანქანა, რომელშიც მე ვიმყოფებოდი არავინ არ გაუტანია და კაცი არ მოუკლავს. ხელისუფლებამ რა კადრებიც გამოაქვეყნა იყო ის დრო როდესაც მე დარბევამდე რამდენიმე საათით ადრე ტელეკომპანია მაესტროში გადაცემაში მონაწილეობისთვის მივემგზავრებოდი. რეალურად კი მე პარლამენტის მიმდებარე ტერიტორია დავტოვე დარბევის შემდეგ და მე ხალხი არ დამიტოვებია. ხალხმა მოახერხა გაქცევა იმ კორიდორით, რომელიც ჩვენმა მანქანამ გაჭრა. ასევე მივმართავ ხელისუფლებას, რომ გვაჩვენონ თუ სად დაგეგმა ჩემმა ქმარმა ძალადობის გამოყენება და ის, რომ ჩვენ პროგნოზს ვაკეთებდით თუ რამდენი ადამიანი მოვიდოდა ეს არ ნიშნავს იმას, რომ ჩვენ სახელმწიფო გადატრიალებას ვამზადებდით. ეს იგივეა, როცა სუფრას აწყობს ადამიანი და ინტერესდება თუ რამდენ კაცზე უნდა გააწყოს. ჩვენ პასუხისმგებლობით მოვეკიდეთ და თითოეულ ჩვენს კომიტეტს დავალება მივეცით რომ გაეგო რამდენი ხალხი მოვიდოდა. ასევე გაეგოთ რამდენი ხალხი იყო უკმაყოფილო და აქტიურად უკმაყოფილო", - განაცხადა ბურჯანაძემ.
ბურჯანაძის თქმით, იმ ჩანაწერზე ინფორმაცია არ აქვს რომელშიც მისი მეუღლეც მონაწილეობდა. მისი თქმით, საერთოდ არ იცის იყო თუ არა მსგავსი საუბარი და არც ის იცის მოხდა თუ არა ეს შეხვედრა.
"ეს ჩანაწერი კონტექტსიდან ამოვარდნილი იყო და ვიტყვი იმასაც რომ ჩემი ქმარი პერიოდიულად რესტორნებში დადის ხოლმე", - აღნიშნა ბურჯანაძემ.
მისივე მტკიცებით, ზეწოლა ხორციელდება მისი დაცვის წევრებზე და ცდილობენ ისინი მოისყიდონ.
"თუ ფიზიკურად ცოცხალი დავრჩი ვიბრძოლებ ბოლომდე და აუცილებლად მოვიგებ. თქვენ იცით, რომ ეს ქვეყანა ძალიან მიყვარს და მისი მისამართით ძალიან დიდი პასუხისმგებლობა მამოძრავებს. ხელისუფლებას კი მივმართავ რომ არ მეშინია არც მკვლელობის, არც დაცვის გარეშე სიარულის", - განაცხადა ბურჯანაძემ.
