"დემოკრატიული მოძრაობის" ლიდერი ნინო ბურჯანაძე ხელისუფლებას მიმართავს, თუ სურვილი აქვთ, გაჩხრიკონ სახალხო კრების ან დემოკრატიული მოძრაობის ოფისი, ან პირადად ბურჯანაძის ბინა დაEეს გააკეთონ თავისუფალი მედიის წარმომადგენლებთან ერთად.
"ვუერთდები ევროსაბჭოს მოთხოვნას, რომ ობიექტურად იქნეს გამოძიებული 26 მაისი. ვემხრობი ყველა გამოძიებას, რომელიც იქნება ობიექტური, მაგრამ დღევანელი ხელისუფლების ხელში ეს ნაკლებსავარაუდოა. ხელისუფლებას თუ რაიმე აინტერესებს, არსად ვიმალები. მათ იციან ჩემი ოფისიც, ჩემი სახლიც. შუძლიათ მოვიდნენ და მკითხონ, რაც დააინტერსებთ. ოღონდ ბინების თუ ოფისების ჩხრეკა თუ მოინდომეს, უნდა ესწრებოდნენ თავისუფალი მედიის წარმომადგენლები, რაც ჩვენს ქვეყანაში მეტ-ნაკლებად არის და დიპკორპუსის წარმომადგენლები", - განაცხადა ბურჯანაძემ პარტიის ოფისში გამართულ ბრიფინგზე.
მისი თქმით, თითოეული შემოწმება უნდა მოხდეს პროცედურების სრული დაცვით და შოუების გარეშე, როგორ ხერხსაც ხელისუფლება ხშირად მიმართავს ხოლმე.
