ჩიკაგოს უნივერსიტეტის ეკონომიკის ფაკულტეტის დოქტორანტი თუ თურლი: „როგორც ეკონომისტს, მაინტერესებს, რეგიონებში მცხოვრებ დევნილთა პერპექტივა, სოფლის მეურნეობაში მათი ჩართულობა და მათი ცხოვრების პირობები. წინწყაროში ვიზიტმა ჩემზე დიდი შთაბეჭდილება მოახდინა. აქ დევნილებს შესაძლებლობა აქვთ, არჩინონ ოჯახები და ჭარბი პროდუქცია ბაზარზეც კი გაიტანონ. მნიშვნელოვანია, რომ ისინი აქ ინტეგრირებულები არიან."

"დღეს ერთ-ერთი დევნილი ოჯახიც მოვინახულეთ და მართლა გაოცებულები ვართ. აქ ნამდვილად არსებობს საშუალება, სოფლის მეურნეობაში ჩართულობით ადამიანმა კარგად იცხოვროს. როგორც გვითხრეს და ვნახეთ, მოჰყავთ სსვადასდხვა სახის პროდუქტი და კარგად გამასპინძლებაც შეუძლიათ. დავწრმუნდით, რომ აქ მართლა კარგი შესაძლებლობები არსებობს, რომ გამართულად იცხოვრო", - აცხადებს ეკონომიკის ფაკულტეტის სტუდენტი ლაშა ფარულავა.

მინისტრმა სტუდენტებს დევნილებისთვის შეძენილი სახლები და სახნავ-სათესი მიწები დაათვალიერებინა და აღნიშნა, რომ დევნილთა სოფლის მეურნეობაში ჩართულობა და მათი ხელშეწყობა სამინისტროს ერთ-ერთი პრიორიტეტია: „ჩიკაგოელი და თბილისის უნივერსიტეტის სტუდენტები აფხაზეთიდან დევნილი ოჯახების განსახლების პროცესით დაინტერესდნენ. ვაჩვენეთ, როგორ სახლებში შევასახლეთ ისინი, როგორი მოსავალი მოჰყავთ. ეს ადამიანები ადრე ხელგამოწვდილ მდგომარეობაში იყვნენ. ადრე საავადმყოფოებსა და საბავშვო ბაღებში ისეთ პირობებში ცხოვრობდნენ, სადაც არც წყალი ჰქონდათ, არც კანალიზაცია და 7-8 ადამიანს 20 კვადრატი ეკავა. აქ კი საკუთრება გააჩნიათ და სხვის დახმარებაზე არ არიან დამოკიდებულები. ხედავთ, როგორი მოსავალი აქვთ და როგორ მდგრადად ცხოვრობენ. პროცესი გაგრძელდება, სოფლად კიდევ ჩავასახლებთ მსურველებს. ეს ის პროცესია, რომელიც დევნილებისთვის საუკეთესო შედეგების მომტანია."
სხვადასხვა უნივერსიტეტის სტუდენტები მინისტრ კობა სუბელიანთან ერთად პერიოდულად დევნილთა სხვა ჩასახლებებსაც ესტუმრებიან და გაეცნობიან რა პროექტები ხორციელდება დევნილთა ეკონომიკური ინტეგრაციისთვის.