მთაწმინდის პანთეონში „ქრისტიან-დემოკრატების" ლიდერებმა და პარტიის ახალგაზრდული ფრთის წევრებმა მერაბ კოსტავას ხსოვნას პატივი მიაგეს და მისი საფლავი გვირგვინით შეამკეს. ეროვნული გმირის სულის მოსახსენიებელი პანაშვიდი მამა დავითის ტაძრის მოძღვარმა გადაიხადა.
„გუშინ მერაბ კოსტავას დაბადების დღე იყო და მას 72 წელი შეუსრულდებოდა. ჩვენს ქვეყანაში განვითარებული მოვლენების გამო დაგვიანებით, მაგრამ მაინც აუცილებლად ჩავთვალეთ მისი ხსოვნისთვის პატივის მიგება. ის იყო ეროვნული გმირი, რომელმაც საზოგადოებას აჩვენა მიზნისთვის არაძალადობრივი, მაგრამ თანმიმდევრული და თავდადებული ბრძოლის ზნეობრივი მაგალითი, რაც თანამედროვეობის კონტექსტში ძალზე აქტუალურია" - განაცხადა გიორგი თარგამაძემ.
