"ეროვნული საბჭოს" ერთ-ერთ ლიდერ კობა დავითაშვილს პარლამენტის შენობის რამდენიმე წუთის წინ დარბეულმა აქციამ 7 ნოემბერი და 9 აპრილი გაახსენა.
"სააკაშვილი ის ადამიანია, რომელიც სისტემატურად უწყობს თავის ხალხს 9 აპრილს. აღშფოთებული ვარ იმით, რაც ხდება, თუმცა გაზით და წყლით ხელისუფლება ვერ ჩააქრობს იმ ხანძარს, რომელიც ხალხშია", - განაცხადა კობა დავითაშვილმა "მაესტროსთან" საუბარში.
მისივე აზრით, ასეთი "თავხედობა" ხელისუფლებამ იმის გამო გაბედა, რომ "სახალო კრების" აქციას საერთაშორისო მხარდაჭერა არ ჰქონია.
შეგახსენებთ, რომ რამდენიმე წუთის წინ სპეციალური დანიშნულების რაზმის თანამშრომლებმა პარლამენტის წინ მიმდინარე აქცია დაშალეს. ამ დროისთვის რუსთაველის გამზირი გაწმენდილია. სამართალდამცველებმა მომიტინგეების წინააღმდეგ წყლის ჭავლი, ცრემლსადენი გაზი და რეზინის ტყვიები გამოიყენა.
