მომიტნგეებმა პარლამენტთან მიმდინარე აქციაზე სოდ-ის და კუდ-ის თანამშრომლები გამოავლინეს.
როგორც ბადრი ბიწაძემ განაცხადა, მიაწოდეს ინფორმაცია მათ შესახებ.
"ზუსტად ვიცით, რომ ეს ხალხი არის შემოგზავნილი და მუშაობენ სოდ-ში", _ განაცხადა მან.
ამასთან დაკავშირებით, აქციაზე მცირე შეხლა-შემოხლა მოხდა. ბიწაძემ მომიტინგეებს მოუწოდა, შეშვებოდნენ აღნიშნულ პირებს, რათა მათი ქმედება პროვოკაციაში არ გადაზრდილიყო.
ჟურნალისტებთან საუბრისას ე.წ. გამოვლენილი პირები უარყოფენ ინფორმაციას იმის შესახებ, რომ ისინი სოდ-ის და კუდ-ის თანამშრომლები არიან. ისინი აცხადებენ, რომ პროტესტის გამოსახატად მოვიდნენ და ხალხის გვერდში დგანან.
