"საქსტატს" დღეიდან სტატისტიკის ეროვნული სტრატეგია ექნება. სტატისტიკის ეროვნული სტრატეგიის განხილვა 24 მაისს სასტუმრო "თბილისი მარიოტში" გამართულ სემინარზე მოხდა, რომელიც მსოფლიო ბანკმა და სტატისტიკის ეროვნულმა სამსახურმა ერთდროულად მოაწყვეს.
სტატისტიკის ეროვნული სამსახურის ხელმძღვანელი ზაზა ჭელიძე აცხადებს, რომ საქსტატს ახალი სტრატეგია ექნება.
"სტატისტიკის განვითარების ეროვნული სტრატეგია მნიშვნელოვანია როგორც ჩვენთვის, ასევე მთავრობისთვის და სტატისტიკის ყველა მომხმარებლისთვის. მნიშვნელოვანია ის პრიორიტეტი, რომელიც ამ სტრატეგიის მიხედვით, 4 წლით გაიწერება. უნდა ვიცოდეთ რა უნდა გავაკეთოთ და ეს სტრატეგია კონკრეუტლად განსაზღვრავს ფინანსურ თუ ადამიანურ რესურსებს, რომელიც საჭიროა სტარატეგიის შემდგომი განვითარებისთვის. ოფიციალური სტატისტიკის წარმოებისთვის დაფინანსებას სახელმწიფოსგან ვიღებთ ამ პროცესში მნიშვნელოვანია დონორების ჩართულიბა და მონაწილეობა", - განაცხადა ჭელიძემ.
მისი განცხადებით, 2012 წლისთვის მნიშვნელოვანი აქცენტი გაკეთდება მთლიანი შიდაპროდუქტის კვლევის განვითარებაზე და დახვეწაზე და ეკონომიკური აღწერის გაკეთებაზე. მნიშვნელოვანი ყურადღება გამახვილდება ასევე მოსახლეობის აღწერისთვის საჭირო წინამოსამზადებელ სამუშაოზე. მისი თქმით, ამ დროისათვის ცნობილი არ არის, თუ კონკრეტულად როდის ჩატარდება მოსახლეობის აღწერა, თუმცა როგორც ჭელიძე აცხადებს, ის უახლოესი 2-3 განმავლობაში ჩატარდება.