საპარლამენტო უმრავლესობის შეფასებით სახალხო კრებას ერთადერთი გულშემატკივარი და მხარდამჭერი რუსეთი დარჩა, - ამის შესახებ ჟურნალისტებს უმრავლესობის ერთ-ერთმა ლიდერმა პავლე კუბლაშვილმა რუსეთის საგარეო საქმეთა სამინისტროს მიერ გავრცელებული განცხადებს შეფასებისას განუცხადა.
"როგორც ჩანს, ბურჯანაძის ერთადერთი გულშემატკივარი რუსეთის საგარეო უწყებაღა დარჩა", - აცხადებს კუბლაშვილი. რაც შეეხება ირაკლი ოქრუაშვილის საქართველოში ჩამოსვლის გადადებას, საპარლამენტო უმრავლესობის ლიდერის თქმით, ყოფილი თავდაცვის მინისტრიის გეგმები ხელისუფლებისთვის ნაკლებად მნიშვნელოვანია.
"ნაკლებად მნივშნელოვანია ჩვენთვის ოქრუაშვილმა ჩამოსვლა გადადო, აპირებს თუ მომავალში დააპირებს, ერთადერთი მკაფიოდ შემიძლია განგიცხადოთ რომ ირაკლი ოქრუაშვილი არის ძებნილი და საქართველოში ჩამოსვლის შემდეგ ის სასჯელთაღსრულების დაწესებულებაში აღმოჩნდება", - აცხადებს პავლე კუბლაშვილი.
