უკრაინის ექს-პრემიერის იულია ტიმოშენკოს დაკავებისა და ბადრაგის თანხლებით სასამართლოში მისი მიყვანის დადგენილება კიევის პეჩორის რაიონულმა სასამართლომ მიიღო. ინფორმაცია ამის შესახებ უკრაინის გენპროკურატურის ერთ ერთი განყოფილების უფროსმა ოლეგ პუშკარმა გაავრცელა.
"ჩვენ გვაქვს პეჩორის სასამართლოს გადაწყვეტილება იულია ტიმოშენკო დაკავებისა და მისი სასამართლოში ბადრაგის თანხლებით მიყვანის თაობაზე", _ განაცხადა პუშკარმა.
მისივე თქმით, ამ თხოვნით სასამართლოს გენპროკურატურის წარმომადგენელმა მიმართა, მას შემდეგ რაც ტიმოშენკომ არაერთხელ ჩაშალა საგამოძიებო მოქმედებები.
