პრეზიდენტის ადმინისტრაცია თბილისში მიმდინარე საპროტესტო აქციებთან დაკავშირებით განცხადებას აკეთებს. როგორც დღეს გამართულ ტრადიციულ ბრიფინგზე პრეზიდენტის პრეს სპიკერმა მანანა მანჯგალაძემ განაცხადა, პრეზიდენტის შეფასებით, საქართველო დემოკრატიული სახელმწიფოა და სიტყვისა და გამოხატვის თავისუფლება არის დაცული და გარანტირებულია საქართველოს კონსტიტუციით.
"თუმცა ყველას უნდა ესმოდეს, რომ კონსტიტუცია კანონდებლობა ზუსტად განსაზღვრავს იმ წესებს, რომლის ფარგლებშიც საზოგადოების წევრებს საშუალება ეძლევათ გამოხატონ თავისი აზრი. იმედი მაქვს ეს წესები დაცულ იქნება. არავის აქვს უფლება შეურაცხყოფა მიაყენოს პოლიციას, ქართულ ჯარს, ჟურნალისტებს ან უბრალოდ განსხვავებული მოსაზრების მქონე ჩვენს მოქალაქეებს", - განაცხადა მანანა მანჯგალაძემ.
