საქართველო ეს შვეიცარიისა და სინგაპურის ნაზავი იქნება. ამის შესახებ საქართველოს პრეზიდენტმა მიხეილ სააკაშვილმა ერთ-ერთ უკრაინულ სატელევიზიო არხთან საუბრისას განაცხადა. ინფორმაციას ამის შესახებ უკრაინული მედია ავრცელებს.
მიხეილ სააკაშვილმა ასევე განაცხადა, რომ ცათამბჯენების რაოდენობით, საქართველო ძალიან მოკლე ხანში გახდება სინგაპურის მსგავსი.
ამავე დროს, მიხეილ სააკაშვილმა ასევე აღნიშნა, რომ ყველა მოლოდინის მიუხედავად ქართველი - ეს არ არის ადამიანი, რომელიც "კეპში დადის და მას ულვაშები აქვს, ჩვენთან მოსახლეობის დიდი ნაწილს ცისფერი თვალები აქვს, არიან ქერათმიანი მამაკაცები და ქალები, ჩვენ აბსოლუტურად სხვა და სხვა ანთროპოლოგია გვაქვს".
საქართველოს პრეზიდენტი ასევე აცხადებს, რომ საქართველო იქნება მნიშვნელოვანი პუნქტი სავაჭრო კულტურული, ეკონომიკური, პოლიტიკური და საგანმანათლებლო გზების კვეთისა.
"მრავალი სხვა დამოუკიდებელი ქვეყნისგან განსხვავებით ჩვენი ერთ-ერთი ყველაზე დიდი პრივილეგია - ძლიერი სახალხო -ნაციონალური იდენტურობაა", _ განაცხადა მიხეილ სააკაშვილმა.
