„სახალხო კრების" ორგანიზებულ საპროტესტო აქციებს გამოცემა "Telegraph"-იც ეხმაურება.
„ანტისამთავრობო პროტესტს საქართველოში ძალადობა მოჰყვა", - ასე ჰქვია სტატიას, რომელსაც გავლენიანი გამოცემა აქვეყენბს.
„ანტისამთავრობო მანიფესტანტები და აქციის სხვა მონაწილეები თბილისში ერთმანეთზე თავდასხმისთვის პლასტიკურ ჯოხებს იყენებენ. კვირას დილით შეტაკებები, რომლის დროსაც რამდენიმე ადამიანი დაშავდა, იმ საპროტესტო აქციას მოჰყვა, რომელიც წინა დღეს გაიმართა და თბილისის ცენტრში ათასობით ადამიანს მოუყარა თავი. აქციის მონაწილეთა მცირე ჯგუფმა სახელმწიფო ტელევიზიის შენობის წინ დედაქალაქში ღამე გაათენა. დაახლოებით ორმა ათეულმა ოპოზიიცის მხარდამჭერმა პოლიციის ავტომანქანას შეუტია მას შემდეგ, რაც არსებული ინფორმაციით ისინი მომიტინგეთა ერთ-ერთი ლიდერის დაკავებას შეეცადნენ. შემდეგ სპეცრაზმმა შეკრებილთა დასაშლელად ცრემლსადენი გაზი და რეზინის ტყვიები გამოიყენა. დემონსტრანტები საქართველოს პრეზიდენტ მიხეილ სააკაშვილს კორუფციასა და დემოკრატიული რეფორმების ბლოკირებაში ადანაშაულებენ", - წერს გამოცემა.
