საქართველოში მიმდინარე აქციები გავლენიანი გამოცემა „Le Figaro"-ს ყურადღენის ცენტრში ექცევა.
„საქართველო: მანიფესტაციები ხელისუფლების წინააღმდეგ", - ასე ჰქვია სტატიას, რომელშიც „სახალხო კრების" აქციების პირველი სამი დღის შესახებ დეტალურადაა საუბარი.
„კვირას, პოლიციამ დემონსტრანტების წინააღმდეგ ცრემლსადენი გაზი და რეზინის ტყვიები გამოიყენა, რაც იმით ახსნა, რომ ქართული რეჟიმის მოწინააღმდეგეები პოლიციას თავს დაესხნენ. ეს უკანასკნელნი თავის მხრივ ამტკიცებენ, რომ ამ ძალადობის პროვოცირება სამართალდამცველებმა მოახდინეს. თბილისში თავისუფლების მოედანზე შაბათს დაახლოებით 6 000 ოპოზიციის მხარდამჭერი შეირიბა და ზოგიერთმა ღამე საზოგადოებრივი მაუწყებლის შენობის წინ გაათენა. მაგრამ კვირას, მათი რაოდენობა 2 000-მდე შემცირდა", - წერს გამოცემა.
ამასთან, „Le Figaro"-ს შეფასებით, ოპოზიცია მიხეილ სააკაშვილს რეჟიმს სერიოზულს პრობლემას, არაერთი მცდელობის მიუხედავად, ვერასდროს უქმნიდა.
„პროდასავლელი მიხეილ სააკაშვილი ხელისუფლებაში 2003 წელს, მშვიდობიანი „ვარდების რევოლუციით" მოვიდა. სინამდვილეში მის რეჟიმს ოპოზიცია, რომელიც რამდენჯერმე შეეცადა მის გადაყენებას, კერძოდ კი 2008 წლის რუსეთთან ომის გამო, პრობლემებს ვერასდროს უქმნიდა", - მიიჩნევს „Le Figaro".
