დღეს, 24 მაისს, გორში ქართველი კომპოზიტორის, ალექსი მაჭავარიანის ხსოვნისადმი მიძღვნილი ღონისძიებები გაიმართება. გორის მუნიციპალიტეტის პრესსამსახურის ინფორმაციით, 16:30 საათზე გორში ალექსი მაჭავარიანის სახელობის ქუჩა გაიხსნება. მაჭავარიანის სახელი ფეიქართა ქუჩას მიენიჭება. ამის შესახებ გადაწყვეტლება გორის საკრებულომ მიიღო.
ქუჩის გახსნას კომპოზიტორის ვაჟი და ახლობლები, ადგილობრივი ხელისუფლების წარმომადგენლები და საზოგადო მოღვაწეები დაესწრებიან.
17:00 საათზე ალექსი მაჭავარიანის ხსოვნის პატივსაცემად გორის მოსწავლე-ახალგაზრდობის კულტურულ-საგანმანათლებლო ცენტრში საგუნდო მუსიკის საღამო მოეწყობა. ღონისძიებაში მონაწილეობას მიიღებენ გორის ქალთა კამერული გუნდი, სოპრანო ირინა რატიანი, გოგონათა ანსამბლი "იალონი" და ვაჟთა ანსამბლი "იმერი".
