24 მაისს, 12:00 საათზე, საქართველოს ავტორთა საზოგადოების ინიციატივით, ტელეკომპანიების ხელმძღვანელებთან გაიმართება შეხვედრა, რომელზეც განხილული იქნება მაუწყებლების მიერ საავტორო უფლებებით სარგებლობის ახალი სატარიფო პოლიტიკის პროგრამა.
როგორც "ჯი-ეიჩ-ენს" ორგანიზატორებმა აცნობეს, წარმოდგენილი პროგრამა გულისმობს საავტორო უფლებებით სარგებლობის სამაუწყებლო ტარიფების რეფორმირების სამოქმედო გეგმას, მის ლიბერალიზაციას და საერთაშორისო სტანდარტებთან შესაბამისობაში მოყვანას.
პროგრამის პრეზენტაციას გამართავენ საქართველოს ავტორთა საზოგადოების თავმჯდომარე გიგა კობალაძე, საზოგადოების გამგეობის წევრები ალექსანრდე ვაშაკიძე და მირიან კულულაშვილი. შეხვედრას დაესწრებიან საქართველოში მოქმედი ტელეკომპანიების ხელმძღვანელები.
შეხვედრა გაიმართება ინტელექტუალური საკუთრების ეროვნული ცენტრის „საქპატენტის" შენობაში.
მის: რუსთაველის გამზ. N30 (ყოფილი იუსტიციის სამინისტროს შენობა, შესასვლელი გამზირის მხრიდან)
