"ქართველოში მიმდინარე ოპოზიციის აქციები იმდენად მცირერიცხოვანია, იმისათვის, რომ ჩრდილოეთ აფრიკისა და ახლო აღმოსავლეთის მსგავს რევოლუციაზე ილაპარაკო", _ აცხადებს მოსკოვის სახელმწიფო უნივერსიტეტის დსთ-ს სივრცეზე საზოგადოებრივი და პოლიტიკური პროცესების შესწავლის საინფორმაციო -ანალიტიკური ცენტრის გენერალური დირექტორი ალექსეი ვლასოვი.
მისივე თქმით, აშშ-ს მედიის მიერ გამოქვეყნებული პუბლიკაციებით, შეიძლება იმის თქმა, რომ სააკაშვილის ძირითადი სპონსორები მზად არიან ნაწილობრივ მხარი დაუჭორონ ოპოზიცია ნინო ბურჯანაძის სახით.
"ამიტომაც, იმაზე თუ როგორ განვითარდება საქართველოს ახლანდელი ხელისუფლებისა და დასავლეთის ურთიერთობები დამოკიდებულია სააკაშვილის ბედი და სწორედ ამაზე იქნება დამოკიდებული მოვლენების შემდგომი განვითარების სცენარი", _ აცხადებს იგი.
ამავე დროს, პოლიტოლოგი ასევე აცხადებს, რომ ამერიკის ხელისუფლების მიერ საქართველოს ახლანდელი ლიდერი ჯერ კიდევ განიხილება, როგორც ქართული ელიტის ნომერ პირველი ფიგურა. "იქ რომ ვერ გადაწყვიტონ თბილისის პირველი ფიგურების შეცვლა, სიტუაცია ვარდნისკენ წავა. ხოლო იმ შემთხვევაში თუ ვაშინგტონში გადაწყვეტენ, რომ სააკაშვილი შეშინებულია და გააკეთებენ შესაბამის დასკვნებს, მაშინ ოპოზიცია მიღებს მძლავრ საინფორმაციო და არა მხოლოდ საინფორმაციო მხარდაჭერას", _ განაცხადა მან საქართველოში არსებული ვითარების მოვლენების შესაძლო განვითარების კომენტირებისას.
"და მე მაინც მიმაჩნია, რომ სააკაშვილი შეძლებს პარტნიორების დარწმუნებას იმაში, რომ იგი საჭიროა. საჭიროა თუ არა საქართველოსთვის, მისი დასავლელი მფარველებისათვის მაინც", _ განმარტავს ვლასოვი.
