"სახალხო კრება" ირაკლი ოქრუაშვილის "აქტივობებთან" დაკავშირებით "ქართულ პარტიას" ინფორმაციის წინასწარ მიწოდებას თხოვს.
"ჩვენ მოვითხოვთ, რომ "ქართულმა პარტიამ" წინასწარ მოგვაწოდოს ინფორმაცია, რომელიც ირაკლი ოქრუაშვილის "სახალხო კრების" აქტივობაში შესაძლო ჩართვას უკავშირდებოდეს", - განუცხადა ბურჯანაძემ ჟურნალისტებს ოქრუაშვილის მიერ დღეს გაკეთებულ განცხადებაზე კომენტირებისას, რომელშიც თავდაცვის ყოფილი მინისტრი პირობას დებს, რომ 25 მაისს - "ქართველი ხალხის მრისხანების დღეს" ის საკუთარ ხალხთან იდგება.
ამასთან, ბურჯანაძემ ისიც აღნიშნა, რომ „სახალხო კრება" მკაცრად ემიჯნება ამერიკის შეერთებული შტატების პოლიტიკისადმი „ქართული პარტიის" დამოკიდებულებას და არც აშშ-ის საელჩოსთან გამართულ აქციას უჭერს მხარს.
