შეუერთდება თუ არა 25 მაისს „ქართული პარტიის" მიერ, ავლაბრის მოედანზე დაგეგმილ აქციას „სახალხო კრება", გადაწყვეტილი არ არის.
როგორც კრების ერთ-ერთმა ლიდერმა ნინო ბურჯანაძემ „ჯი-ეიჩ-ენს" განუცხადა, ამ საკითხზე მსჯელობა მიმდინარეობს.
"ჯერ არ ვიცით 25 მაისს როგორ ვიმოქმედებთ. შეიძლება მოხდეს ისე, რომ „ქართული პარტიის" მიერ დაგეგმილ აქციაზე ერთად დავდგეთ და შეიძლება იყოს ისიც, რომ ცალ-ცალკე ჩავატაროთ აქციები. ამ საკითხზე „ქართული პარტიის" ლიდერებთან დღესაც ვისაუბრეთ და განვიხილეთ, რა მოგვწონს ერთობლივად და რაში ვერ ვთანხმდებით. ჩვენ მსჯელობას ისევ გავაგრძელებთ. მთავარია რომ დავივიწყეთ ის წყენა, რომელიც არსებობდა და დღეს უკვე ერთად დავდექით და ერთად ვიბრძვით ხელისუფლების წინააღმდეგ" - განმარტა ბურჯანაძემ.
მისივე თქმით, საქართველოში რევოლუცია ეგვიპტის მაგალითზე უნდა მოხდეს.
"როდესაც ეგვიპტეში რევოლუციური პროცესები მიმდინარეობდა, ხალხი ხელისუფლების მხრიდან ძალადობის მიუხედავად, ერთად იდგა და ერთმანეთს არ ტოვება. მთავარია, აენთოს მთელი საქართველო, გამოვიდეს ხალხი და ერთად დადგეს. გადავიტანეთ პირველი ორი ბრძოლა, როდესაც ჩვენი დარბევა სცადეს, მაგრამ ჩვენ ისევ აქ ვართ, ერთად ვართ და აუცილებელია, რომ ხალხი შემოგვემატოს," - განუცხადა ბურაჯანაძემ „ჯი-ეიჩ-ენს".
