საზოგადოებრივ მაუწყებელთან მიმდინარე აქციას ეკა ბესელიას მოძრაობა „სოლიდარობა უკანონო პატიმრებს" შეუერთდა.
ბესელია აქციაზე რამდენიმე წუთის წინ მივიდა და აქციის მონაწილეებს მიმართა.
„მე არ ვამბობ, რომ შემოგიერთდით, რადგან მე ყოველთვის თქვენთან ვიყავი. სადაც დგას ჩემი ხალხი, რომელიც იბრძვის სამართლიანობისთვის, რეჟიმის წინააღმდეგ, მე ყოველთვის ვარ მათთან ერთად. მთავარია ვიაროთ წინ და არა უკან და არ უნდა გავჩერდეთ", - მიმართა ბესელიამ აქციის მონაწილეებს.
მისივე განმარტებით, ის უერთდება „სახალხო კრების" მიერ დაყენებულ ყველა მოთხოვნას.
„მხარს ვუჭერ ყველა მოთხოვნას, რომელიც აქ გაჟღერდა - უკანონო პატიმრების გათავისუფლებას, ვგმობთ ძალადობას, რომელსაც გუშინ, ბათუმში და დღეს აქ ჰქონდა ადგილი. უნდა შეწყდეს საკუთარი ხალხის წინააღმდეგ ძალის გამოყენება, ჩვენ ხალხს აქვს უფლება იბძოლოს ღირსებისთვის, თავისუფლებისთვის. ეს არის ჩვენი ვალი და ჩვენ გავიმარჯვებთ", - აღნიშნა ბესელიამ.