"ქართულმა პარტიამ" დედაქალაქში მათი ორგანიზებით დაგეგმილი აქციის დაწყების თარიღად 25 მაისი გამოაცხადა.
საგანგებო განცხადება პარტიის ოფისში რამდენიმე წუთის წინ, პარტიის თავმჯდომარე სოზარ სუბარმა გააკეთა.
"გუშინ და დღეს ხელისუფლებამ გადალახა ყველა ზღვარი და გამოაჩინა, რომ ხალხის აზრი მისთვის არაფერს წარმოადგენს. სწორედ ამიტომ, „ქართული პარტია" იწყებს გადამწყვეტ ბრძოლას რეჟიმის შეცლისთვის. მოვუწოდებთ საზოგადოებას, თითოელ მოქალაქეს, პოლიტიკურ პარტიებს, 25 მაისს, 12 საათზე, მთელი საქართველო შევიკრიბოთ ავლაბრის მოედანზე და დავიწყოთ გადამწყვეტი ბრძოლა ამ ხელისუფლების წინააღმდეგ", - განაცხადა სუბარმა.
მისივე თქმით, 25 მაისი უნდა იქცეს ქართველი ხალხის მრისხანებისა და რეალური დამოუკიდებლობის დღედ.
