"სახალხო კრების" ინფორმაციით, საპატრულო პოლიცია გმირთა მოედნის მიმდებარე პერიმეტრს კეტავს.
როგორც კრების ერთ-ერთმა წარმომადგენელმა გია კობახიძემ ჟურნალისტებს განუცხადა, ამით სამართალდამცველები აქციაზე მოსვლის მსურველთა ბლოკირებას ცდილობს.
„პოლიცია გმირთა მოედანზე გზას კეტავს, რის გამოც აქციაზე მოსვლის მსურველებს საზოგადოებრივ მაუწყებელთან არ მოუშვებენ. ჩვენ მოვუწოდებთ მათ რომ შორი გზა მოიარონ და აქ მშვიდობიანად მოვიდნენ", - აღნიშნა კობახიძემ.
მისივე თქმით, აუცილებელია, რომ არსებული რეჟიმი დასრულდეს, რასაც საზოგადოების მხარდაჭერა სჭირდება.
