"დემოკრატიული მოძრაობის" ლიდერი ნინო ბურჯანაძე ხელისუფლებას მოუწოდებს, ნუ გაიზიარებს ეგვიპტის ყოფილი პრეზიდენტ ჰოსნი მუბაარაქის ბედს.
„მუბარაქს რომ თავის დროზე მიეღო გადაწყვეტილება, წასულიყო ხელისუფლებიდან და იგივე მეთოდები არ გამოეყენებინა, რასაც დღეს სააკაშვილის რეჯიმი იყენებს, ახლა ის ციხეში არ იჯდებოდა. ამიტომ მოგიწოდებთ, ნუ დაადგებით მის გზას", - განაცხადა ნინო ბურჯანაძემ საზოგადოებრივი მაუწყებლის შენობასთან მიმდინარე აქციაზე.
ამასთან, მან ქართველ სამართალდამცველებსაც მიმართა და „უკანონო ბრძანების არშესრულება" სთხოვა.
ამასთან, ბურჯანაძის ინფორმაციით, აქციის მონაწილეებსა და სამოქალაქო ფორმაში ჩავმულ პირებს შორის შეტაკებისას ერთ-ერთ „ზონდერს" მობილური ტელეფონი დაუვარდა, რომელში დაფიქსირებული კორპორატიული ნომრები კიდევ ერთხელ ადასტურებს, რომ ისინი შინაგან საქმეთა სამინისტროს თანამშრომლები იყვნენ".
