„დემოკრატიული მოძრაობის" ლიდერის ნინო ბურჯანაძის ინფორმაციით, სამოქალაქო ფორმაში ჩაცმული უცნობი ადამიანები, რომლებიც საზოგადოებრივი მაუწყებლის შენობასთან მიმდინარე აქციის მონაწილეებს ფიზიკურად გაუსწორდნენ, „ზონდერბრიგადის" წევრები იყვნენ.
„ესენი არიან ზონდერბრიგადების წარმომადგენლები, რომლებმაც ჩვენივე დროშების ტარებით სცემეს აქციის მონაწილეები. დროშები მომიტინგეებს გუშინ პოლიციამ წაართვა და ბუნებრივია, „ზონდერბრიგადებსაც" მათ პოლიცია დაურიგებდა", - აღნიშნა ბურჯანაძემ.
მისივე განმარტებით, „ზონდერბრიგადების" წარმომადგენლებმა ძალიან მწარე პასუხი მიიღეს და კიდევ უფრო მწარე პასუხს მიიღებენ.
მაუწყებლის შენობასთან სასწრაფო დამხარების რამდენიმე მანქანაა მობილიზებული.
