„დემოკრატიული მოძრაობის" ლიდერის ნინო ბურჯანაძის მტკიცებით, აქციის მონაწილეებმა პოლიციელების წინააღმდეგ ძალა მას შემდეგ გამოიყენეს, რაც მათ გენერალ უჩავას დაკავება სცადეს.
„დილით, ინციდენტი მას შემდეგ დაიწყო, რაც პატრულმა გენერალ უჩავას დაკავება გადაწყვიტა და მას აქციის მონაწილეებმა წინააღმდეგობა გაუწიეს. თქვენი ოჯახის წევრის ან ახლობლის მოტაცება რომ ვინმეს გადაეწყვიტა, არამგონია, ამაზე რეაქცია არ გქონოდათ. მაკვირვებს ის ფაქტი, თუ რატომ ჩაერთო სპეცდანიშნულების რაზმი „უცნობი" ავტომანქანის „დაცვაში", რის გამოც რეზინის ტყვიები დაგვიშინეს და ცრემლსადენი გაზით მოგვწამლეს", - განუცხადა ბურჯანაძემ ჟურნალისტებს.
მისივე თქმით, ამ დრომდე უცნობია პოლიციელების მიერ გატაცებული გენერალ უჩავას ადგილსამყოფელი.
რაც შეეხება „სახალო კრების" მომავალ გეგმებს, ბურჯანაძის თქმით, იგი მერაბიშვილისთვის „გეგმების ჩაბარებას არ აპირებს".
