„ჩვენი მთავარი შეცდომა ალბათ ის არის, რომ მშვიდობიანად დავიწყეთ აქციები", - ამის შესახებ ჟურნალისტებთან საუბრისას „დემოკრატიული მოძრაობის" ლიდერმა ნინო ბურჯანაძემ განუცხადა.
მისივე თქმით, აქციის დაწყებისას მათ ყველა აქტივისტი გააფრთხილეს, რომ მათი მხრიდან ძალადობას ადგილი არ ჰქონოდა და პროვოკაციებს არ აჰყოლოდნენ, „რაც ალბათ ყველაზე დიდი შეცდომაა".
„როგორც ჩანს, თავიდანვე თავპირისმტვრევით უნდა დაგვეწყო აქციები", - აცხადებს ბურჯანაძე.
ამასთან, მისი განმარტებით, ძალადობა და რევოლუცია ხალხის მხრიდან არ დაწყებულა და მისი ავტორი სწორედ ხელისუფლებაა.
„ჩვენ არ ვაპირებთ არსად წასვლას, სანამ ამ ქვეყნიდან სააკაშვილი არ წავა. საქართველოში ნეობოლშევიზმი არ შედგება", - აცხადებს ბურჯანაძე.
