„ჩვენი უკანდახევა საქართველოს განადგურებას ნიშნავს", - განაცხადა საზოგადოებრივ მაუწყებელთან მიმდინარე აქციაზე „სახალხო კრების" ერთ-ერთმა ლიდერმა ნონა გაფრინდაშვილმა.
მან საქართველოს მოქალაქეებს მიმართა და განუმარტა, რომ დღევანდელი დარბევის შემდეგ „ისინი ტელეეკრანებთან კი აღარ უნდა ისხდნენ, არამედ გამოვიდნენ და ხალხს შეუერთდნენ".
„ძალა ხალხშია", - აცხადებს გაფრინდაშვილი.
ამასთან, მან „იმედი" დეზინფორმაციის გავრცელებაში დაადანაშაულა და აღნიშნა, რომ ამის გამო პასუხი ტელეკომპანიაში მომუშავე ყველა ჟურნალისტს მოეკითხება.
რაც შეეხება რეგიონებიდან მხარდამჭერების მობილიზებას, კრების წარმომადგენლის, ლუკა კურტანიძის თქმით, მათი ჩამოყვანა დღესაც იგეგმება, თუმცა „უცნობია მისცემენ თუ არა მათ პოლიციის თანამშრომლები თბილისში შემოსვლის უფლებას".
