საზოგადოებრივი მაუწყებელობის შენობის წინ მიმდინარე აქციისისას დაშავებული პოლიციელები რესპუბლიკურ საავადმყოფოში არიან გადაყვანილები.
როგორც „ჯი-ეიჩ-ენს" შინაგან საქმეთა სამინისტროს ადმინისტრაციის უფროსმა შოთა ხიზანიშვილმა განუცხადა, დაშავებულთაგან ერთის ჯანმრთელობის მდგომარეობა შედარებით მძიმეა.
„დაშავებულები არიან ირაკლი სახოკია, ვახტანგ ბოჭორიშვილი და კახაბერ კუდუხაშვილი, რომლებსაც ამ დროისთვის უტარდებათ სამედიცინო დახმარება. მათგან ერთ-ერთის მდგომარეობა შედარებით მძიმეა. სამივე მათგანს დაზიანებები სახის არეში აქვთ მიყენებული", - განმარტა ხიზანიშვილმა.
შსს-ის ინფორმაციითვე, აქციის მონაწილეები, რომლებიც პოლიციელებს დაესხნენ თავს ნასვამ მდგომარეობაში იმყოფებოდნენ.
ინციდენტის შედეგად სამართალდამცავების მიერ დაკავებული იქნა აქციის რამოდენიმე მონაწილე.
