ლევილის მამულის საქართველოსთვის გადაცემის შესახებ მემორანდუმი 23 მაისს გაფორმდება.
გადაწყვეტილება საფრანგეთში, დიასპორის საკითხებში სახელმწიფო მინისტრის, პაპუნა დავითაიასა, და ასოციაცია "ქართული კერის" წარმომადგენლების, შეხვედრაზე მიიღეს.
წინასწარი მოლაპარაკებისას დადასტურდა, რომ, ოთხმოცი წლის შემდეგ, მამული კვლავ საქართველოს და ქართველ ხალხს უბრუნდება.
მემორანდუმის თანახმად, ლევილის მამული მომავალში სერიოზულ როლს ითამაშებს ორი ქვეყნის ხალხების ურთიერთდაახლოვებისა და კულტურული თანამშრომლობის საქმეში.
