„სახალხო კრება" სამომავლო გეგმებთან დაკავშირებით განცხადებას დღესვე, აქციაზე გააკეთებს. ამის შესახებ ჟურნალისტებს „სახალხო კრების" ერთ-ერთმა ლიდერმა ნონა გაფრინდაშვილმა განუცხადა, რომელიც თავისუფლების მოედანზე რამდენიმე წუთის წინ გამოჩნდა.
„მიუხედავად იმისა, რომ მობილიზებულია ზონდერბრიგადები და პატრული, ხალხი აქციაზე მაინც გამოდის. როგორც კი მოსახლეობის შეკრება დასრულდება, კრების ლიდერები გეგმებთან დაკავშირებით განცხადებას გააკეთებენ", - აღნიშნა გაფრინდაშვილმა.
მისივე აზრით, „ბევრის მთქმელია მზეც, რომელმაც ძლიერი წვიმის შემდეგ, ახლახან გამოანათა".
აღსანიშნავია, რომ თავისუფლების მოედანზე რამდენიმე წუთის წინ ავლაბრის მეტროდან და ფილარმონიიდან წამოსული მომიტინგეების კოლონა გამოჩნდა.
