ფილარმონიიდან წამოსული „სახალხო კრების" მხარდამჭერები და აქტივისტები თავისუფლების მოედანს უახლოვდებიან.
საპროტესტო მსვლელობას დიმა ჯაიანი, გია კობახიძე და სხვა წარმოამდგენლები მოუძღვებიან.
მსვლელობის გამო, ამ დროისთვის რუსთაველის გამზირზე სამანქანო მოძრაობა შეჩერებულია, თუმცა თავად თავისუფლების მოედანზე მანქანები ჩვეულებრივ რეჟიმში გადაადგილდებიან.
სავარაუდოდ, რამდენიმე წუთში მომიტინგეებს ავლაბრის მეტროდან წამოსული საპროტესტო კოლონაც შეუერთდება.
შეგახსენებთ, რომ თავისუფლების მოედანზე 15:00 საათზე, „სახალხო კრების" ორგანიზებით აქცია გაიმართება.
