"სახალხო კრების" აქტივისტებმა და მხარდამჭერებმა თავისუფლების მოედანზე შეკრება დაიწყეს.
მოედანზე გახმოვანების აპარატურა და შესაბამისი ტექნიკა უკვე მოიტანეს. ცოტა ხნის წინ ადგილზე დასავლეთ საქართველოდან ჩამოსული მომიტინგეების ნაწილი მივიდა.
მათი მტკიცებით, მანქანების კოლონის ნაწილს თბილისის შემოსასვლელთან პრობლემები შეექმნა.
თავისუფლების მოედნის გარდა, კრების მხარდამჭერები და აქტივისტები ფილარმონიასთან და ავლაბრის მეტროსთან იკრიბებიან. დაახლოებით ნახევარ საათში, ამ ადგილებიდან მსვლელობა სწორედ თავისუფლების მოედნისკენ დაიძრება, სადაც 15:00 საათზე მთავარი მიტინგი დაიწყება.
