არასამთავრობო სექტორი საქართველოს მიერ ჩერქეზი ერის გენოციდის აღიარებას სწორ გადაწყვეტილებად მიიჩნევს.
ორგანიზაცია "თავისუფალმა კავკასიამ" მხარდამჭერი აქცია თბილისში, ვაკის პარკში გამართა.
აქტივისტებმა ქართულ და ჩერქეზულ ენაზე საგანგებო მიმართვაც გაავრცელეს.
საქართველოს სამოქალაქო სექტორის წარმომადგენლები მოუწოდებენ გაეროს და სხვა საერთაშორისო ორგანიზაციებს, აღიარონ ჩერქეზთა გენოციდი, მიანიჭონ ჩერქეზებს ლტოლვილის სტატუსი და არ დაუშვან ჩერქეზთა სამშობლოში ზამთრის 2014 წლის ოლიმპიადის ჩატარება.
შეგახსენებთ, რომ საქართველოს პარლამენტმა ჩერქეზთა გენოციდის შესახებ რეზოლუცია გუშინ მიიღო.
