„სახალხო კრება" დღევანდელ აქციაზე „უამრავ ადამიანს" ელოდება.
„დღეს,„სახალხო კრება" იწყებს ქვეყნის სააკაშვილის რეჟიმისგან გასანთავისუფლებელ გადამწყვეტ ბრძოლას. თავისუფლების მოედანზე უამრავი ადამიანი შეიკრიბება. ხელისუფლება წინ ვერ აღუდგება ხალხის ნების აღსრულებას, მიუხედავად იმისა, რომ აქტიურად ახორციელებს ხალხის ტერორს - დაშინებას, დაჭერებს, მოტაცებებს, ფიზიკურ ანგარიშსწორებას, ფსიქოლოქიურ ზეწოლას. ხელისუფლება სახლებში უვარდება ადამიანებს, ყაჩაღურად იტაცებს მანქანებს, კეტავს გზებს", - ნათქვამია „სახალხო კრების" განცხადებაში.
მასში ასევე აღნიშნულია, რომ საკუთარი დასასრულის მოახლოებით შეშინებული ხელისუფლება აგონიაშია.
"ერთი მხრივ, ხელისუფლების განცხადება, რომ ხელს არ შეუშლის ხალხის მშვიდობიან შეკრებას, ხოლო, მეორე მხრივ, ტერორი საკუთარი ხალხისადმი ცინიკური დამოკიდებულების და ქვეყანაში პოლიციური რეჟიმის არსებობის ნათელი მაგალითია. ხელისუფლების ნებისმიერი მსგავსი ქმედება კიდევ უფრო აძლიერებს ხალხის საპროტესტო მუხტს. ხალხს არ ეშინია. 21 მაისს დაწყებული ბრძოლა ხალხის გამარჯვებით დასრულდება", - აღნიშნულია განცხადებაში.
