ნატოს ძალებმა ლიბიის ლიდერ მუამარ კადაფის ძალების დაქვემდებარებაში მყოფი 8 სამხედრო გემი დაბომბეს. ნატოს ძალებმა გუშინ ღამე შეტევა ლიბიის სამ ქალაქზე, ტრიპოლიზე, სირტაზე და ალ ხუმზე განახორციელეს.
ტრიპოლის პორტზე განხორციელებული შეტევის შემდეგ გემებს ცეცხლი უკიდია და ძლიერი კვამლია. ლიბიის ხელისუფლების წარმომადგენლების განცხადებით, ნატო მშვიდობიან მოქალაქეებზე თავდასხმას ზღვიდან განახორციელებს და სწორედ ამიტომ გახდა გემების აფეთქება მათთვის საჭირო. ნატოს სამხედრო მაღალჩინოსნის, ადმ რასელ ჰარდინგის განცხადებით, ყველა გემი რომელიც მათ დაბომბეს სამხედრო გემებია და ისინი მხოლოდ კადაფის ძალების შესასუსტებლად გაანადგურეს.