აფხაზეთის მთავრობის თავმჯდომარე გიორგი ბარამია ოფიციალური ვიზიტით უკრაინაში იმყოფება.
ვიზიტის ფარგლებში ბარამია შეხვედრებს გამართავს უკრაინის პოლიტიკურ წრეებთან და უკრაინის რადას წარმომადგენლებთან, მათ შორის რადას იურიდიული კომიტეტის თავმჯდომარე მიხაილ ტეპლიუკთან. ის ასევე შეხვდება უკრაინაში მცხოვრებ აფხაზეთიდან დევნილებს, ესტუმრება უკრაინის საკვირაო სკოლას და დაესწრება კულტურულ საგანმანათლებლო ცენტრ "იბერიელის" მიერ ორგანიზებულ კონცერტს.
23 მაისს ბარამია შეხვდება უმაღლესი რადას საგარეო ურთერთობათა კომიტეტის თავმჯდომარის პირველ მოადგილეს, ტარას ჩერნოვილს. ასევე, გიორგი ბარამია მიწვეულია მსოფლიო პოლიტიკის ინსტიტუტში, სადაც აფხაზეთის მთავრობის მუშაობის შესახებ პრეზენტაციას გამართავს და ისაუბრებს ოკუპირებულ აფხაზეთში არსებულ ვითარებაზე, რომელსაც უკრაინაში მოქმედი ყველა მედია საშუალება დაესწრება და კითხვა-პასუხის რეჟიმში წარიმართება.
საქართველოს დელეგაციაში შედიან აფხაზეთის ეკონომიკის მინისტრი ნოდარ ჩხარტიშვილი და უმაღლესი საბჭოს თავმჯდომარის მთავარი მრჩეველი, უზენაესი სასამართლოს წევრი ვახტანგ თორდია.