უნგრეთი ევროკავშირის მისიაში დამატებით მონიტორებს გზავნის. ამის შესახებ საქართველოს პარლამენტის თავმჯდომარემ დავით ბაქრაძემ უნგრეთის რესპუბლიკის ეროვნული ასამბლეის სპიკერ ლასლო კოვერისთან შეხვედრის დასრულების შემდეგ გამართულ ერთობლივ ბრიფინგზე განაცხადა.
"მადლობელი ვართ იმ მხარდაჭერისთვის, რომელსაც უნგრეთი იჩენს საქართველოს მიმართ, მათ შორის ევროკავშირის მონიტორინგის მისიაში ხუთი მონიტორის გამოგზავნით", - აღნიშნა ბაქრაძემ.
მისი შეფასებით, ევროკავშირის მონიტორები საქართველოსთვის უაღრესად მნიშვნელოვან სამუშაოს ასრულებენ ოკუპაციის ხაზზე.
"მადლობელი ვარ, ბატონი სპიკერის, რომელმაც დღეს დაადასტურა, რომ უნგრეთის მონაწილეობა და უნგრელი მონიტორების რაოდენობა მისიაში გაიზრდება", - აცხადებს ბაქრაძე.
