სირიის ხელისუფლებამ სპეციალური განცხადება გაავრცელა და აშშ-ის გადაწყვეტილება გააკრიტიკა, რომელიც ამ ქვეყნის ხელისუფლებისთვის სანქციის დაწესებით გამოდის.
როგორც განცხადებაშია აღნიშნული, სანქციის დაწესებას კონკრეტული მიზანი აქვს და იგი სირიაში კრიზისის გახანგრძლივებას ემსახურება. ეს კი ხელსაყრელია ისრაელისთვის, რომლის ინტერესსაც აშშ იცავს.
სირიის ხელისუფლებამ ვაშინგტონი ორმაგ სტანდარტებში დაადანაშაულა და ამერიკელებს ერაყში, ავღანეთსა და ლიბიაში მშვიდობიანი მოსახლეობის დახოცვის ფაქტი შეახსენა.
განცხადებაში ნათქვამია, რომ სანქციის მიუხედავად, სირია აშშ-ს პოზიციას არ დაუთმობს და მათი მითითებების კარნახის მოსმენას არ აპირებს.
სირიის ხელისუფლების მიმართ სანქციის დაწესების შესახებ აშშ-ის ხელისუფლებამ 18 მაისს განაცხადა. შესაბამისად, ბაშარ ასადისა და კიდევ ექვსი მაღალჩინოსნის აქტივები უნდა გაიყინოს.
9 მაისს ცნობილი გახდა, რომ სირიელი ჩინოვნიკების წინააღმდეგ ევროკავშირმაც სანქციები დააწესა. ამასთან, ევროკავშირმა 13 სირიელი ხელმძღვანელის ანგარიში გაყინა და მათ თავის ტერიტორიაზე შესვლა აუკრძალა.
შეგახსენებთ, სირიაში მასობრივი მღელვარება 2011 წლის მარტის შუა რიცხვებიდან გრძელდება. არეულობას 850 ადამიანი ემსხვეპლა, ზოგიერთები კი დაიჭრნენ ან დააპატიმრეს.
