ლიბიის ხელისაუფლებამ ოფიციალურად უარყო ინფორმაცია იმასთან დაკავშირებით, რომ კადაფის მეუღლემ და მისმა ქალიშვილმა ქვეყანა დატოვეს. ამის შესახებ Los Angeles Times-ი იტყობინება.
ლიბიის საგარეო საქმეთა მინისტის მოადგილის ჰალიდ ქაიმის თქმით, კადაფის მეუღლე საფია და ქალიშვილი და აიშა ამჟამად ტრიპოლში იმყოფებიან. მათ მიერ ქვეყნის დატოვების შესახებ ყველა სხვა ინფორმაცია კი მხოლოდ მონაჭორია.
ამასთან, ჰალიდ ქაიმმა უარყო ინფორმაცია, თითქოს ნავთობწარმოების სამინისტროს ხელმძღვანელი შუქრი განემი ამბოხებულთა მხარეს გადავიდა. ქაიმის თქმით, განემი, მეუღლესთან ერთად, ამჟამად ვენაში სამსახურეობრივი მიზნით იმყოფება, მისი ორი ქალიშვილი კი ტრიპოლში რჩება.
ამის მიუხედავად, პოლონური რადიო "ალ-ჯაზირაზე" დაყრდნობით იუწყება, რომ საფია და აიშა, შესაძლოა, პოლონეთის ტერიტორიაზე იმყოფებოდნენ.
ცნობისთვის, ინფორმაცია იმის შესახებ, რომ კადაფის მეუღლემ და ქალიშვილმა ქვეყანა დატოვეს, ჯერ კიდევ 18 მაისს გავრცელდა. თუმცა ქვეყნის ხელისუფლება იმთავითვე იტყობინებოდა, რომ კადაფის ოჯახის წევრების გაქცევის შემთხვევაში, მათ მაშინვე დააკავებდნენ, რადგან მათ სხვა ქვეყნებში გადადგილებას გაერო კრძალავს.
