რუსეთის მთელ რიგ ქალაქებში აქტიურად ვრცელდება განცხადება, რომლის მიხედვითაც, 21 მაისს ქვეყყნის აღსასრული დადგება.
ასეთი განცხადებები გამოჩნდა მოსკოვში, ნოვოსიბირსკში, კიროვში, ომსკსა და კრასნოიარსკში. რუსეთის ქალაქებში ავტობუსებსა და ოფისებში მხოლოდ ამ თემაზე ლაპარაკობენ.
საშინელი "წინასწარმეტყველების" ავტორი საკმაოდ ცნობილი, 89 წლის ჰეროლდ კეპმინგია, რომელიც წარმოშობით ოკლენდიდან (კალიფორნია) არის.
წინასწარმეტყველი ამტკიცებს, რომ 21 მაისს 18.00 საათზე (აშშ-ის დასავლეთ სანაპიროს დრო) იესო ქრისტე მეორედ გამოეცხადება ადამიანებს და საშინელ, სამსჯავროს მოუწყობს. ეს მოსკოვის დროით დაახლოებით 06.00 საათია. როგორც კემპინგი აცხადებს, სამყაროს დასასრულის "ზუსტი" თარიღის განსაზღვრა ბიბლიურ ტექსტთა ორიგინალის გაშიფვრით მოხერხდა.
კემპინგის თქმით, იგი 70 წლის მანძილზე სწავლობდა ბიბლიას და ისეთი მათემატიკური სისტემა შეიმუშავა, რაც მას მარადიულ წიგნში გასაიდუმლოებული წინასწარმეტყველების ინტერპრეტაციის შესაძლებლობას აძლევს.
წინასწარმეტყველის მტკიცებით, სამოთხის მადლს დედამიწის მკვიდრთა მხოლოდ 2 % ეზიარება. ამასთან, მათი უმრავლესობა თავად მისი მიმდევრები არიან, დანარჩენები კი ჯოჯოხეთში მოხვდებიან.
ცნობისთვის, კემპინგის მიმდევართა რიცხვი ყოველდღიურად იზრდება. მან უკვე ათასი ადამიანი მოიცვა.
თავდაპირველად კემპინგის წინასწარმეტყველებას რეაქცია არ მოჰყოლია, თუმცა ამჯერად მის სიტყვებს მთელს ამერიკაში ტრანსლირებენ. თავის მხრივ, სკეპტიკოსები აცხადებენ, რომ კემპინგმა ერთხელაც იწინასწარმეტყველა ქვეყნის დასასრული, თუმცა მისი ნათქვამი არ ახდა.
