საქართველოს მენეჯმენტ კონსალტინგის ბაზრის ლიდერ კომპანია PMCG და რესტორნების ქსელ "TeremOK"-ს შორის თანამშრომლობის ხელშეკრულება გაფორმდა. PMCG-ს ექსპერტები რესტორნების ქსელ "TeremOK"-ში სურსათის უვნებლობისა და ხარისხის მართვის სტანდარტებს დანერგავენ. პროექტი ხორციელდება GRDF-ისა და SEAF-ის მხარდაჭერით.
PMCG-ში აცხადებენ, რომ თანამშორმლობა მოიცავს შემდეგ ეტაპებს: საერთაშორისო სტანდარტით გათვალისწინებული დოკუმენტების მომზადება და მათი დანერგვა კომპანიაში; კომანიაში ხარისხის მართვის ჯგუფის მომზადება; სურსათის უვნებლობის ჯგუფის (HACCP) მომზადება და კომპანიაში წინასასერტიფიკაციო აუდიტის განხორციელება და საწარმოს სასერტიფიკაციოდ მომზადება;
შეგახსენებთ, რომ TeremOK სწრაფად მზარდი რესტორნების ქსელია, რომელიც დღეისათვის წარმოდგენილია 8 ობიექტით,რომელიც 2004 წელ სდაარსდა. კომპანიაში უკვე დასაქმებულია 100-მდე თანამშრომელი, წლის ბოლომდე იგეგმება რამოდენიმე ახალი ობიექტების გახსნაც.
SEAF არის გლობალური საინვესტიციო ფირმა, რომელმაც საქართველოში ფუნქციონირება დაიწყო 2007 წლის იანვარში. იგი მართავს საქართველოს რეგიონული განვითარების ფონდს (GRDF). GRDF დაარსდა ათასწლეულის გამოწვევა საქართველოს "(MCG) მიერ "ათასწლეულის გამოწვევის კორპორაციის (MCC) ფინანსური მხარდაჭერით.
PMCG (პოლიტიკის და მართვის კონსალტინგ ჯგუფი) არის დამოუკიდებელი მენეჯმენტ საკონსულტაციო კომპანია, რომელიც დაფუძნდა 2007 წელს. კომპანიის მიერ უკვე განხორციელებულია 50-ზე მეტი წარმატებული პროექტი, როგორც ბიზნეს, ასევე საჯარო სექტორის კონსალტინგის მიმართულებით.