დღეს, 19 მაისს, 14:00 საათზე, საქართველოს პარლამენტის თამარ მეფის სახელობის დარბაზში პარლამენტთან არსებული ჰერალდიკის სახელმწიფო საბჭო აწყობს სამი წლის მუშაობის შედეგების პრეზენტაციას.
პრეზენტაციას ესწრება საერთაშორისო ვექსილოლოგიური ასოციაციების ფედერაციის (FIAV) პრეზიდენტი, ევროპულ-ბელგიური დროშების კვლევითი ცენტრის დამაარსებელი ბატონი მიშელ ლუპანი. პრეზენტაციაზე მოწვეული ბრძანდებიან პარლამენტის თავმჯდომარე, მოადგილეები, პარლამენტის წევრები, კომიტეტების თავმჯდომარეები, საქართველოში აკრედიტიბული ელჩები, საქართველოს მუნიციპალიტეტების საკრებულოთა თავმჯდომარეები.
