"დემოკრატიული მოძრაობა" პარლამენტის შენობის წინ მოშიმშილე ადვოკატებს სოლიდარობას უცხადებს და "მშვიდობიანი აქციის დარბევის ფაქტს" გმობს.
"სააკაშვილის არაადეკვატური ხელისუფლება განაგრძობს არაადეკვატურ მოქმედებებს. მაშინ, როცა ევროპის ადვოკატთა ასოციაცია აცხადებს, რომ საქართველოში იდევნება ადვოკატთა ინსტიტუტი, მაშინ როცა ამერიკის სახელმწიფო დეპარტამენტის დასკვნაში აღნიშნულია, რომ საქართველოში შერჩევითი სამართალია, ხელისუფლება ძალადობრივ მეთოდებს არ ღალატობს და არბევს ადვოკატების სანქცირებულ აქციას. ხელისუფლება, რომელიც ასეთი მეთოდებით უსწორდება ხალხს, დამნაშავეა და სულ მალე კანონის ფარგლებში აგებს პასუხს სწორედ ხალხის წინაშე", - განუცხადა ბურჯანაძემ ჟურნალისტებს.
შეგახსენებთ, რომ პარლამენტის შენობის წინ უკვე მეორე დღეა ადვოკატებისა და იურისტების შიმშილობის აქცია მიმდინარეობს.
