რუსეთის პრეზიდენტმა დიმიტრი მედვედევმა დღეს გამართულ პრესკონფერენციაზე თავისი მიღწევების ჩამონათვალში "გამობრძმედილი საგარეო პოლიტიკური კურსის გატარება დაასახელა" და ხაზგასმით აღნიშნა, რომ 2008 წელს რუსეთი თავის დამოუკიდებლობას იცავდა. აღსანიშნავია, რომ რუსეთის პრეზიდენტს ამ კომენტარის გაკეთებისას სიტყვა "საქართველო" არ უხსენებია და მხოლოს "სხვა ქვეყნებზე" ისაუბრა.
"ჩვენ შევძელით საკუთარი თავის დაცვა და დღესაც შეგვიძლია თავი დავიცვათ. დავიცვათ ჩვენი დამოუკიდებლობა და ჩვენი სუვერენული მიდგომები. ყველაზე რთულ მომენტებს, მათ შორის 2008 წლის მოვლენებს ვგულისხმობ. მიმაჩნია, რომ ეს ყველაზე მნიშვნელოვანი იყო ქვეყნისათვის, იმიტომ, რომ ქვეყანა არ დანგრეულიყო და საკუთარი თავი ძლიერად ეგრძნო. რა ინტერპრეტაციაც არ უნდა მოჰყოლოდა ამას სხვა ქვეყნებში, ეს მნიშვნელოვანი იყო, პირველეს ყოვლისა, პირადად ჩვენთვის", _ განაცხადა მედვედევმა.
