პარლამენტის შენობის წინ ადვოკატების აქცია 21 მაისამდე გაგრძელდება. მას დღეს კიდევ 10 მოშიმშილე ადვოკატი შეუერთდა.
როგორც "ჯი-ეიჩ-ენს" ადვოკატმა შალვა ხაჭაპურიძემ განუცხადა, მიმდინარე აქციას 19 მაისს კიდევ 15 ზეგ, 20 მაისს კი 25 ადვოკატი შეუერთდება. მისი განმარტებით, არ არის გამორიცხული საპროტესტო აქციები 21 მაისის შემდეგაც გაგრძელდეს.
"დღესაც იყო მოთხოვნა, ცოტნე გამსახურდიას სასამართლო პროცესი გაშუქებულიყო ტელევიზიით, თუმცა დაცვის მხარეს უარი ეთქვა, რაც გამოწვეულია იმით, რომ სასამართლოში არის დიდი კორუფცია და უკანონობა, ეს კი ყოვლად მიუღებელია იურდიული კოდექსისთვის", - განაცხადა ხაჭაპურიძემ.
შეგახსენებთ, რომ პარლამენტის შენობის წინ ადვოკატების აქცია 17 მაისს დაიწყო. მათი მთავარი მოთხოვნებია: დამოუკიდებელი სასამართლო, ადვოკატების დევნის შეწყვეტა, კომისიის შექმნა, რომელიც შეისწავლის უკანონო პატიმრების საქმეებს, თავისუფალი მედია.
