20 მაისს უნგრეთის პარლამენტის თავმჯდომარე ლასლო კოვერი გაეროს მისიის დამკვირვებლის, პოლკოვნიკ ლასლო ტოროკის მემორიალურ დაფას გახსნის.
შეგახსენებთ, რომ 2001 წლის ოქტომბერში გაეროს დამკვირვებლების შვეულმფრენი, რომელსაც უკრაინელი პილოტი მართავდა და რომელშიც უნგრელი (სიკვდილის შემდეგ - გენერლის) ლასლო ტოროკის გარდა, მისიის შვეიცარიელი, გერმანელი, პაკისტანელი, ქართველი და რუსი კოლეგები მგზავრობდნენ, კონფლიქტის ზონის გადაფრენისას დაუდგენელმა ტერორისტებმა სარაკეტო იარაღით ჩამოაგდეს.
