"სახალხო კრების" გადაწყვეტილებებში არავის ჩავრთავთ, თუნდაც ძალიან მაგარი ნდობა ჰქონდეს", - განუცხადა ჟურნალისტებს „სახალხო კრების" თავმჯდომარე ნონა გაფრინდაშვილმა „ქართული პარტიის" წინადადებაზე კომენტირებისას.
გაფრინდაშვილის თქმით, აღნიშნულის მიზეზი ისაა, რომ ოპოზიციურმა პარტიებმა „ერთმანეთი ბრძოლაში უკვე გამოსცადეს".
„რა მოლაპარაკებებზეა საუბარი? ჩვენ ერთმანეთი უკვე გამოვცადეთ. თუ რეჟიმის შეცვლა უნდათ, მოვიდნენ და დადგნენ ხალხთან, მაგრამ მოვიდნენ და დადგნენ სხვანაირად - დადგნენ, როგორც რიგითი მოქალაქეები", - განმარტა გაფრინდაშვილმა.
შეგახსენებთ, რომ "სახალხო კრების" ორგანიზებით 21 მაისს საპროტესტო აქცია საქართველოს ორ დიდ ქალაქში, დედაქალაქ თბილისში - თავისუფლების მოედანზე და ბათუმში - ერას მოედანზე გაიმართება. აღნიშნულ აქციასთან დაკავშირებით უკვე ორი დღეა „სახალხო კრებას" „ქართული პარტია" კონსულტაციებს სთავაზობს, რასაც კრება დაგვიანებულად მიიჩნევს.
