საქმეთა სამინისტროს საინფორმაციო-ანალიტიკური დეპარტამენტის უფროსი შოთა უტიაშვილი საჩხერის რაიონში მომხდარ ინციდენტს რუსეთის საოკუპაციო ძალების მხრიდან „არაადამიანურ" ქმედებად აფასებს.
უტიაშვილი ოკუპანტებს ინციდენტების პრევენციისა და მათზე რეაგირების სამუშაო ჯგუფის ფარგლებში მხარეებს შორის მიღწეული შეთანხმების დარღვევაშიც ადანაშაულებს.
„არსებობს შეთანხმება, რომ როცა ადგილობრივი მცხოვრები წინასწარი განზრახვის გარეშე კვეთს ადმინისტრაციულ საზღვარს, მისი დაკავებაც კი არ შეიძლება არა თუ ცეცხლის გახსნა. ისინი უნდა გააფრთხილონ და გამოაბრუნონ უკან", - განუცხადა უტიაშვილმა ჟურნალისტებს.
აღნიშნულის კონტექსტში, ის კიდევ ერთხელ მოუწოდებს საქართველოს მოქალაქეებს, „არადამიანური რუსული ოკუპაციის პირობებში საოკუპაციო ხაზთან მიახლოებისგან თავი შეიკაონ".
შეგახსენებთ, რომ საჩხერის რაიონში რუსმა ოკუპანტებმა 5 ქართველს ცეცხლი გაუხსნეს, რის შედეგადაც ორი ადამიანი დაიჭრა.
