წუხელ პარლამენტის წინ მოშიმშილე ადვოკატებს ერთ-ერთი პატიმრის ძმა შეუერთდა, რომელმაც პირი ამოიკერა.
სულხან დეკანოიძე მიიჩნევს, რომ ქვეყანაში სამართალი არ არსებობს. მისი ძმა კი, უკანონოდ დააპატიმრეს.
როგორც ადვოკატებმა "ჯი-ეიჩ-ენს" განუცხადეს, სულხან დეკანოიძის ძმა ინვალიდია, იგი სამკურნალოდ იყო წასული. თუმცა საზღვრის უკანონოდ გადაკვეთის ბრალდებით დააკავეს. მას შემდეგ, რაც დეკანოიძეებს სახაზინო ადვოკატის აყვანაზე უარი უთხრეს, რაიონიდან მომავალმა სულხან დეკანოიძემ მატარებლის ვაგონშივე პირი ამოიკერა და წუხელ ღამით მოშიმშილე ადვოკატებს შეუერთდა.
შეგახსენებთ, გუშინ ადვოკატთა ნაწილმა პარლამენტის წინ შიმშილობა გამოაცხადა. ადვოკატები ქვეყანაში სამართლის აღდგენას მოითხოვენ.