გუშინ ღამით პაკისტანის ჩრდილო-დასავლეთით მდებარე ქალაქ ფეშავარის ახლოს, საკონტროლო-გამშვებ პუნქტთან მომხდარ თავდასხმას 17 ადამიანი ემსხვერპლა.
როგორც Associated Press-ი ადგილობრივ ხელისუფლებაზე დაყრდნობით იტყობინება, მსხვერპლთა შორის მხოლოდ ორი სამართალდამცავი აღმოჩნდა, დანარჩენები კი ბოევიკებია.
ადგილობრივი ხელისუფლების ინფორმაციით, ბოევიკები ნაღმტყორცნებითა და სასროლო იარაღით იყვნენ შეიარაღებულნი.
ინციდენტი მას შემდეგ მოხდა, რაც თალიბებმა განცხადება გააკეთეს, რომ ოსამა ბინ ლადენის მკვლელობის გამო შურს იძიებდნენ.
