"ქართული პარტია" "სახალხო კრებასა" და ნინო ბურჯანაძესთან კონსულტაციების დასაწყებად მზადაა.
"შექმნილი რეალობიდან და საზოგადოებაში დღეს არსებული მოლოდინებიდან გამომდინარე, კვლავ გამოთქვამს მზადყოფნას "სახალხო კრებასა" და ნინო ბურჯანაძესთან კონსულტაციები დაიწყოს", - აცხადებენ "ქართულ პარტიაში".
"ქართული პარტიის" თავმჯდომარის სოზარ სუბარის განცხადებით, ისინი მზად არიან, 21 მაისის გადაწყვეტილების ფარგლებში, "სახალხო კრებასთან" ნებისმიერი ფორმით აწარმოონ მოლაპარაკებები.
"ქართული პარტია" ითანამშრომლებს ყველა იმ ძალასთან, რომელიც ხელისუფლებასთან დიალოგის რეჟიმში არ არის ჩართული", - აცხადებენ ისინი.
